Namik Velaj u tha fillimisht policëve se gruaja e tij Verke Velaj kishte vdekur për shkaqe natyrale, por shumë shpejt falë hetimeve dhe ekspertizës, rezultoi se atë e kishte mbytur vetë bashkëshorti me litar.

Këtë të enjte gjykata e la në burg të moshuarin deri në momentin kur do të vendosë dhe masën e dënimit, nën akuzën e vrasjes.

Ballafaqimet mes familjarëve të Verke Velaj dhe Namik Velaj si dhe përgjimet telefonike të urdhëruara nga prokuroria faktuan se autori i krimit ishte 76-vjeçari dhe familjarët e tij kishin pasur dijeni por e fshehën.

Vdekja e Verke Velaj ndodhi në Janar 2017 pasi Namiku e mbyti me litar dhe më pas për të humbur gjurmët fytin e saj e mbuloi me një shall.