Brazili planifikon të përdorë vaksinën kineze kundër koronavirusit, si pjesë të planit kombëtar të imunizimit, kanë bërë me dije autoritetet.

Guvernatori i São Paulo-s, João Doria tha se qeveria federale ka rënë dakord për blerjen e 46 milionë dozave të vaksinës kinese CoronaVac. Ai shtoi gjithashtu se programi i imunizmit mundet të fillojë përpara janarit të 2021-shit, duke u bërë ndoshta vendi i parë në botë që merr këtë masë.

Kujtojmë që Brazili është një ndër vendet më të prekura nga Covid-19. Sipas shifrave të publikuara nga universiteti John Hopkins, Brazili ka raportuar afërsisht 5.3 milionë raste. Më këtë shifër Brazili renditet i treti në botë pas Shteteve të Bashkuara të Amerikës dhe Indisë për numrin e të infektuarve.

Gjithashtu, vendi i Amerikës latine ka raportuar rreh 155 mijë viktima nga Covid-19, duke e bërë të renditet i dyti pas SHBA për numrin e viktimave.