Zyrtarët e sigurimit të SHBA-së kanë paralajmëruar protesta të mundshme të armatosura në mbarë vendin në ditët para se Joe Biden të betohet si president.

Ka raporte të grupeve të armatosura që planifikojnë të mblidhen në të 50 kryeyqytet e shtetit dhe në Uashington DC në prag të inaugurimit të tij më 20 janar.

Planet e sigurisë janë duke u forcuar për ngjarjen, e cila do të ndodhë dy javë pasi një turmë pro-Trump sulmoi Kongresin.

Demokratët e Dhomës së Përfaqësuesve thonë se një votim për largimin e presidentit do të ndodhë të mërkurën, raporton BBC.

Ata akuzojnë Presidentin Trump për “nxitje të kryengritjes” dhe thonë se votimi do të mbahet nëse Zëvendës-Presidenti Mike Pence nuk bën thirrje për kompetencat kushtetuese për të hequr Trump nga detyra. Nuk ka asnjë shenjë që Pence është i përgatitur ta bëjë këtë.

Biden dhe Zëvendës presidentja e zgjedhur Kamala Harris pritet të bëjnë betimin në një ceremoni në Kongres.

Postimet në rrjetet online pro-Trump dhe të djathta ekstreme kanë bërë thirrje për protesta në një numër datash, duke përfshirë demonstrata të armatosura në qytete në të gjithë vendin më 17 janar dhe një marshim në Ëashington DC në ditën e inaugurimit.

Një buletin i brendshëm i FBI-së, raportuar nga ABC Neës dhe media të tjera,bart një paralajmërim se një grup po bën thirrje për “sulmin” e gjykatave të shtetit, lokale dhe federale në të gjithë vendin nëse Trump hiqet nga zyra herët dhe nëse nuk është në ditën e inagurimit, transmeton Klan Kosova.