Evropa po sheh edhe një herë një rritje të rasteve të COVID-19.

Në disa pjesë, rritja është komplikuar nga shfaqja e variantit të ri Omicron, i zbuluar për herë të parë në Afrikën e Jugut.

Disa vende kanë ndërmarrë hapa që synojnë të pavaksinuarit, ndërkohë që programe po zhvillohen gjithashtu në disa vende për të vaksinuar fëmijët e vegjël, shkruan Euronews.

Finlanda vendosi të rivendosë kontrollin e brendshëm kufitar në kufijtë e saj duke filluar nga e marta më 28 dhjetor, tha ministria e punëve të jashtme të vendit në një deklaratë në faqen e tyre të internetit.

Ky vendim është i pari i këtij lloji në Evropë dhe do të qëndrojë në fuqi deri më 16 janar 2022.

Rregulli prek gjithashtu të gjitha shtetet e Shengenit, dhe udhëtarët potencialë u kërkohet të kontrollojnë kërkesat e hyrjes përpara udhëtimit të tyre.