Ofruesi finlandez i rrjetit të telekomunikacionit Nokia të enjten ka raportuar një përfitim më të vogël se që ka pritur në çerekun e fundit të vitit të kaluar, ndërsa ka njoftuar se është përballur me disa sfida në garë për rrjetin 5G, veçanërisht në tregun në Amerikën e Veriut.

Kompania me seli në Espoo të Finlandës, ka parë fitimet neto për periudhën tetor-dhjetor të bien për 1 për qind për në 811 milionë euro. Shitjet kanë rënë për 5 për qind, në 6.6 miliardë euro.

Shefi ekzekutiv Pekka Lundmark, që ka marrë rolin në gusht, e ka përshkruar çerekun e katërt të vitit të kaluar si solid, por ka paralajmëruar se viti aktual nuk do të jetë i lehtë për Nokian.

“Ne presim që viti 2021 të jetë sfidues, një vit tranzicionin”, ka thënë Lundmark.

Lundmark ka thënë se Nokia synon të bëhet liderë në rrjetin 5G, në luftën e ashpër globale me rivalët kryesor Huawein e Kinës dhe Ericssonin e Suedisë.