Fjalori shqip-gjermanisht të cilin e shihni në foto, është i vjetër 75 vjet. Është gjetur në shtëpinë e të ndjerit Bejtush Muçolli në Bajqinë të Podujevës. Ky fjalor ka rënë në duar të studiuesit Bajram Mjeku, ndërsa ka 24 faqe, i përgatitur në dialektin gegë.

“Fjalori është përgatitur për t’i ndihmuar në komunikim ushtarakët shqiptarë me ata gjermanë, të cilët vepronin në kuadër të Divizionit SS ‘Skanderbeg’ gjatë Luftës së Dytë Botërore.

Në kuadër të Divizionit “Skanderbeg”, vepronin rreth 3.000 shqiptarë nga të gjitha viset etnike shqiptare.

‘Fjalueri i vogël shqip-gjermanisht për ushtarakët shqiptarë’, ka gjithësej 24 faqe në të cilin përdoren kryesisht fjalë dhe terma ushtarake dhe është përgatitur në dialektin gegë.

Studiuesit shqiptarë nuk janë marrë me këtë fjalor për shkak të ndjeshmërisë së Luftës së Dytë Botërore. Shumë nga ata me këtë fjalor edhe mund të njihen për herë të parë”, ka thënë Mjeku. /Telegrafi/