Me profesion është mjek në Klinikën e Pulmologjisë në QKUK. Por, Flamur Markut, krahas angazhimit që e ka në këtë kohë pandemie, këto ditë i doli edhe një telash tjetër.
Kjo faqe në rrjetin social Facebook, bëri këtë postim, përmes të cilit thotë që është pikërisht mjeku nga Gjakova, ai që është duke manipuluar numrin e vdekjeve nga COVID 19.
Madje, bashkangjitur me shkrimin, ata shpërndanë edhe fotografit e tij.
Por, Flamur Marku, thotë që një lajm i tillë, është i pavërtetë.
Mjeku nga Gjakova, tha se nuk e di arsyen e vërtetë të këtij postimi.
Por, si pasojë e tij, thotë se mori shumë mesazhe kërcënuese.
E pas reagimit të Markut, ky postim u fshi.
Por, ai shton që nuk do të ndalet me kaq.
Në fund, Marku kërkon të ndalen sulmet dhe presionet ndaj mjekëve, në kohën kur e gjithë bota po i falënderon ata për kontributin e tyre në luftën kundër virusit corona. Në mbështetje të mjekut kanë dalë pacientët të cilët ai i trajtoi këto ditë.