Mbrojtësi i krahut të djathtë, Alessandro Florenzi, do të kthehet te skuadra e Romës në fund të këtij sezoni.

Mediumet franceze kanë njoftuar të shtunën se Florenzi do të kthehet te Roma pasi Paris Saint-Germaini nuk do ta shfrytëzoj opsionin e blerjes së tij në verë.

Florenzi para fillimit të këtij sezoni u huazua te Parisi dhe ekipi francez mund ta transferojë atë për dhjetë milionë euro.

Mirëpo, trajneri Mauricio Pochettino nuk është bindur nga Florenzi dhe për këtë arsye ka kërkuar kthimin e tij te Roma.

Florenzi këtë sezon ka shënuar dy gola dhe ka bërë një asistim në 30 ndeshje për ekipin francez.

30-vjeçari edhe sezonin e kaluar ishte i huazuar te Valencia pasi nuk bënte pjesë në planet e trajnerit të Romës, Paulo Fonseca.

Florenzi ka kontratë me Romën deri në vitin 2023.