I vetmi vend në rajonin e Ballkanit Perëndimor është Kosova që për të pestin vit me radhë ka shënuar përparim në raportin e organizatës Freedom House për demokratizmin e vendeve.

Në një raport “Vendet në tranzicion, 2020” vlerësohet gjendja e qeverisjes demokratike në 29 vende në Europë dhe Euroazi.

Në tabelën prej 1 deri në 7 pikë, ku 1-shi paraqet nivelin më të ulët të përparimit demokratik dhe 7-ta me të lartin, Kosova i ka 3.18 pikë, krahasuar me 3.11 sa ka pasur vitin e kaluar.

Përparim të lehtë ka shënuar edhe Maqedonia e Veriut, duke siguruar 3.75 pikë, krahasuar me 3.68, vitin e kaluar.

Shqipëria, Mali i Zi dhe Serbia kanë shënuar përkeqësim, ndërsa Bosnje dhe Hercegovina dhe Kroacia kanë mbetur në të njëjtën pozitë.
Ballkani

“Serbia, rezultatet e së cilës kanë rënë çdo vit për pesë vjet, kohët e fundit ranë në kategorinë e Regjimit Kalimtar / Hybrid. Mali i Zi iu bashkua Serbisë në lënien e grupit të demokracive në raportin e vitit 2019, pasi u ngrit mbi prag për një dekadë. Të dy vendet regjistruan rënie të mëtejshme në Transit 2020”, thuhet në raport.

“Por lajmet pozitive dolën diku tjetër në Ballkan, pasi Kosova dhe Maqedonia e Veriut fituan përmirësime të shumta të rezultateve. Kosova është i vetmi vend në fushën e mbulimit të raportit për të siguruar fitime në secilin prej pesë viteve të fundit. Sidoqoftë, zhvillimet e fundit në të dy vendet kanë hedhur dyshime në përparimin e ardhshëm”.