Izraeli ka vendosur të “shtyjë luftën tokësore” në Gaza, në pritje të mbërritjes së forcave shtesë amerikane në rajon.

Kështu siç raportojnë mediat e huaja, ka njoftuar radioja e ushtrisë izraelite të hënën.

“Shtetet e Bashkuara i kanë përcjellë Izraelit synimin e tyre për të dislokuar forca shtesë amerikane në Lindjen e Mesme, në gatishmëri për një operacion tokësor për shkak të shqetësimeve për përshkallëzimin e sulmeve iraniane kundër forcave të saj në rajon”, thuhet në raport.

Sekretari amerikan i Shtetit, Antony Blinken, në një deklaratë për shtyp të dielën, deklaroi se Shtetet e Bashkuara “ parashikojnë një përshkallëzim të luftës midis Izraelit dhe Hamasit për shkak të përfshirjes së përfaqësuesve iranianë”.

Radio vazhdoi duke shpjeguar: “Zyrtarët izraelitë theksojnë se kjo nuk është arsyeja e vetme për vonesën e operacionit; ka faktorë të tjerë në lojë, si rritja e gatishmërisë operacionale të forcave, si dhe kërkimi i një zgjidhjeje për çështjen e robërve dhe potencialin për marrëveshje shtesë për lirimin e të burgosurve”.