Pavarësisht uraganëve, sulmeve terroriste dhe hijes së një lufte bërthamore, njeriu më i pasur në botë zgjedh të shohë pozitivisht. “Bota po bëhet një vend më i mirë”, thotë ai.

Bill Gates përmend disa trende, duke filluar nga normat e vdekshmërisë foshnjore në numrin e vendeve që tani ofrojnë mbrojtje për homoseksualët dhe lesbiket, që po e çojnë botën në një drejtim pozitiv.

Ne thjesht nuk dëgjojmë të flitet shumë për gjërat e mira, sepse fokusi është te lajmet negative.

Ndër zhvillimet e shumta ai përmend:

• Një rënie drastike në normat e vdekshmërisë të fëmijëve nën moshën pesë vjeç. Ato janë përgjysmuar që nga viti 1990, duke shpëtuar jetën e 122 milionë fëmijëve.

• Rënie drastike në përqindjen e popullsisë botërore që jeton në varfëri të skajshme, nga më shumë se një e treta e popullsisë në vitin 1990 në rreth një të dhjetën në ditët e sotme.

• Një rritje e madhe në numrin e fëmijëve që ndjekin shkollën fillore në mbarë botën; më shumë se 90%.

• Ligjet që mbrojnë njerëzit homoseksualë tani garantohen në 100 vende.

• Numri në rritje i grave në mbarë botën që janë duke u zgjedhur në poste publike.

Gates fajëson median për përhapjen e ndjenjës së pesimizmit. Njerëzit janë më të prirur të lexojnë lajme negative, dhe kjo i frymëzon organizatat e lajmeve të fokusohen te gjërat negative, argumenton ai.