Gazeta zvicerane “20 minuten.ch” ka shkruajtur për ngjarjen tragjike që ka ndodhur të dielen në Ferizaj ku 18 vjeçarja M.O u dërgua pa shenja jete në Qendren Emergjente.

“Dy burra me një makinë zvicerane e kanë vrarë një 18-vjeçare në Kosovë”, është titulli që mban artikulli.

Gazeta i referohet mediave kosovare.

Në artikullin e “20 minuten.ch” shkruan se dy burra dyshohet se e kanë vrarë një vajzë 18-vjeçare.

Të dyshuarit janë parë të dielën në një “Audi” me targa zvicerane.

“Ata e dërguan trupin e pajetë të 18-vjeçares M.O. në spitalin e Ferizajt, pastaj ikën me “Audi” të tyre me targa zvicerane. Dy burrat akuzohen për vrasjen e një gruaje në jugun e Kosovës. I dyshuari A.S (32 vjeç) është arrestuar nga policia, kurse burri tjetër D.K (29 vjeç) është ende në arrati”.

Tutje shkruan se të dyshuarit ishin kapur nga kamerat e sigurisë së spitalit të Ferizajt duke e dërguar 18 vjeçaren pasditen e së dielës.

Në shkrimin e gazetës zvicerane ceket se viktimit dyshohet se vdiq si pasojë e keqtrajtimit.

Duke përdorur imazhet nga kamerat e vëzhgimit të spitalit, autoritetet ishin në gjendje të gjenin burrat dhe vendin e krimi.

Krimi thuhet se është kryer në një ndërtesë banimi në Ferizaj.

Hetimi i ngjarjes po vazhdon.

Po ashtu po vazhdon edhe kërkimi për të dyshuarin e dytë.