Një pako e dyshuar me lëndë eksplozive është konstatuar në shkallët e një lokali në Elbasan.
Informacionet paraprake të policisë bëjnë të ditur se pakoja është gjetur mëngjesin e sotëm në një lokal në lagjen “Emin Matraxhiu”. Janë evakuuar njerëzit dhe mjetet, duke vendosur dhe perimetrin e sigurisë rreth lokalit.
Ndërkaq janë njoftuar ekspertët antieksploziv nga Tirana për të bërë shpërthimin e kontrolluar të pakos së dyshimtë.
Vetëm dy javë më parë një sasi eksplozivi u gjet poshtë një mjeti pranë teatrit “Skampa” në Elbasan. Forcat xheniere bën të mundur shpërthimin e kontrolluat të 100 gram tritoli.