Kandidati i LDK-së për Prizrenin, ka qenë pjesë e ngjarje jo të zakonshme në “kryeqytetin historik”.

Ai ka qëlluar pranë një qytetari që pësoi sulm epileptik, teksa sipas dëshmitarëve të rastit, vrapoi menjëherë aty te vendngjarja.

Kështu ka thënë edhe një banor në kushte anonimiteti, që shpalosi gjithë ngjarjen në detaje.

“Me daten 6 tetor, pra, të mërkurën, në ora 16:05 një qytetar me epilepsi ka humbur ndjenjat pas një sulmi epileptik, duke perplasur kokën, me ç’rast edhe e humbi vetëdijen.

Në atë moment rastësisht ka kaluar aty pranë Anton Quni, kandidat i Lidhjes Demokratike të Kosovës për kryetar të Prizrenit, i cili ia dha ndihmën e parë qytetarit, derisa arriti ndihma e shpejtë”, tha ai.

Ky qytetar ndër të tjera ka treguar se pacienti kishte frymëmarrje të vështirësuar dhe gjakderdhje pas përplasjes me kokë, dhe ka pohuar se po të mos ishte aty Quni për ta ndihmuar qytetarin, gjendja e tij do të rëndohej shumë.