Përderisa në krye të shtetit e të politikës serbe edhe më tutje “sundojnë” elementë të politikës së vjetër milosheviqiane, në një pjesë e popullatës serbe, sidomos te të rinjtë ka filluar të shfaqet një botëkuptim i ri për Kosovën dhe për shqiptarët.

Kjo shtresë e qytetarëve serbë, duke e patuar parasysh në rend të parë interesin e popullit serb e kanë pranuar faktin se Kosova është e humbur dhe se Serbia nuk ka më as drejtë morale e as politike që të kërkoj rikthimin e kontrollit politik e institucional të Kosovës.

Në një debat të organizuar nga Nisma e të Rinjëve për të Drejtat e Njeriut (YIHR) me temë për dialogun e brendshëm në Serbi për Kosovën Ivan Gjuriq ka pranuar faktin se “Serbia humbi të drejtën e saj për Kosovën për shkak të mënyrës se si trajtoi shumicën shqiptare të Kosovës”.

Gjuriq në fjalimin e tij ka shtuar se Serbia duhet të kërkojë falje për krimet e kryera në Kosovë.

“Ne duhet të kërkojmë ndjesë për t’i hir të viktimave të luftërave dhe krimeve. Ne duhet të gjejmë dhe ndjekim penalisht të gjithë autorët e veprave penale, në mënyrë që të paktën “të kënaqim” pjesërisht drejtësinë. Ne duhet të pendohemi që të kemi një shans për një të ardhme normale si një shoqëri. Ne duhet të vendosim përgjithmonë që krimet nuk janë kryer në emër tonë, por në emër të një politike që kurrë nuk do të lejojmë kurrë të sundojmë.” ka thënë ai.

Më poshtë po u sjellim pjesën më të rëndësishme të fjalimit të tij

“Në disa tryeza të rrumbullakëta brenda këtij procesi, disa nga shkaqet e pavarësisë së Kosovës tashmë mund të jenë të turpshme, hapi ynë i parë duhet të jetë të flasim me të vërtetën me zë të lartë. Për pjesën e së kaluarës që nuk është folur në publikun tonë. Shumë gjëra të pakuptimta për Shqipërinë e Madhe, monumentet orientale, bazat ushtarake dhe të ngjashme.