Shefi i të ashtuquajturës Zyre për Kosovën në Qeverinë e Serbisë, Marko Gjuriq tha se duke vendosur për të zgjeruar taksën prej 100 për qind ndaj kompanive të huaja që veprojnë në Serbi, Prishtina i shpalli luftë brendeve të mëdha botërore.

Gjuriq thotë se kjo tregon se shqiptarët nuk janë të sinqertë kur thonë se duan normalizimin e marrëdhënieve dhe arritjen e një marrëveshjeje me Serbinë, por se ata duan pikërisht atë që paralajmëroi Presidenti serb Aleksandar Vuçiç – një përshkallëzim i mëtejshëm.