Kryeredaktori i Planet TV, Mirko Mayer, ka njoftuar përmes llogarisë së tij në Twitter se Gjykata në Slloveni ka vendosur në shkallën e dytë se lajmet e këtij mediumi për përfshirjen e Martin Berishajt në një skandal financiar dhe pagesat e majme për të nga GEN-I në Beograd, nuk janë shpifje.

Mayer në njoftimin e tij i është drejtuar edhe Albin Kurtit, i cili kishte thënë ditë më parë se shpreson që të vendoset drejtësia në këtë rast.

“Kam dëgjuar se kryeministri i Kosovës, Albin Kurti, ka bërë një deklaratë dhe ka shprehur dëshirën që drejtësia do të thotë fjalën e saj në rastin e Berishajt kundër Planet TV. E njoftoj se kjo dëshirë i është plotësuar dhe drejtësia tashmë ka vendosur. Rasti i hapur nga Berishaj është refuzuar nga gjykatë në shkallën e dytë”, ka shkruar Mayer.

Albanian Post kishte raportuar ekskluzivisht edhe para një kohe kur Gjykata e Qarkut në Lubjanë pati vendosur që ta hedhë poshtë akuzën e Berishajt për Planet TV pa efekt juridik.

Gazetari ka shpërndarë edhe vendimin e gjykatës.

Slišim, da je kosovski premier @albinkurti podal izjavo za @NovicaMihajlo @Delo in pri tem izrazil upanje, da bo v primeru Berishaj proti @PlanetTV zadoščeno pravici.
➡️Sporočam, da se mu je želja že izpolnila: 16.2. Berishajevo kazensko tožbo zavrglo še sodišče druge stopnje. 👇 pic.twitter.com/bhTDK15YZp

— Mirko Mayer 🎬 📺 (@Mirko_Mayer) February 23, 2023

Planet TV është mediumi i parë që ka raportuar për përfshirjen e Berishajt në këtë skandal financiar.

Ishte gazetari Vitomir Petroviç që kishte publikuar artikullin.

Berishaj kishte ushtruar padi pikërisht ndaj këtij gazetari.

Madje, në paraqitjen e Berishajt para komisionit parlamentar, ai kishte thënë se gazetari Petroviç ka shkruar kundër tij për motive të caktuara dhe se e njeh babanë e tij, duke aluduar në lidhje të caktuara të gazetarit.