Agjencia Kosovare e Privatizimit (AKP) njofton opinionin e gjerë publik se ka pranuar një Aktvendim të lëshuar nga Dhoma e Posaçme e Gjykatës Supreme të Kosovës përmes së cilit lejohet përmbyllja e procesit të likuidimit për GJI143 Kooperativa Bujqësore “Visoqa”, me seli në Budrikë të Epërme komuna e Vitisë.

Agjencia, në pajtim me Ligjin, më parë ka parashtruar kërkesë në Dhomën e Posaçme të Gjykatës Supreme të Kosovës (DhPGjSK) për aprovim të Raportit Përfundimtar dhe rrjedhimisht lejimin e mbylljes së procesit të likuidimit për këtë Kooperativë Bujqësore (KB), ndërsa Dhoma e Posaçme përmes Aktvendimit e ka aprovuar këtë Raport Përfundimtar dhe ka dhënë leje për mbylljen e procesit të likuidimit edhe për KB-në e lartcekur.

Raporti Përfundimtar është postuar në web faqen zyrtare të Agjencisë Kosovare të Privatizimit (www.pak-ks.org).

Njëkohësisht, Gjykata ka caktuar një afat prej 21 ditë për ndonjë ankesë eventuale ndaj këtij aktvendimi dhe pas kalimit të këtij afati ky aktvendim bëhet i plotfuqishëm dhe njoftimet për përmbyllje të procesit të likuidimit për këtë subjekt Agjencia do t’i dërgoj te institucionet relevante ashtu siç parashihet me Ligjin për AKP-në.