Google do të luftojë për gjobën prej 2.4 miliardë euro nga Bashkimi Evropian në gjykatën e dytë më të lartë në union.

Gjykata e Përgjithshme në Luksemburg, do të dëgjojë argumente nga Google dhe një grup i lobimit të teknologjisë që mbështet apelin, ndërkohë që Komisioni Evropian do të mbështetet nga Gjermania dhe tetë kompani.

Sipas personave që ndodhen në anën e Bashkimit Evropian, seanca do të ndodhë më 12 shkurt.

Në vitin 2017, Komisioni akuzoi Google për favorizimin e shërbimit të vetë të krahasimit të çmimeve dhe vendosi një gjobë të madhe si dhe një urdhër për të ndaluar praktikat anti-konkurrente të biznesit.

Gjoba ndaj gjigantit të teknologjisë ishte edhe më e madhja për një kompani të vetme në rastet e konkurrencës në Bashkimin Evropian, duke kaluar 1.06 miliardë euro sanksione ndaj prodhuesit të procesorëve Intel në vitin 2009.