Si e fundosi “Google Maps” mafiozin italian, fshihej prej 20 vitesh

Prishtinë | 12 Jan 2022 | 10:33 | Nga Ekonomia Online

Google Maps ka ndihmuar policinë italiane që të gjejë një mafioz, i cili kërkohej prej 20 vitesh. Gioacchino Gammino pati një karrierë “të pasur” në Cosa Nostra përmes familjes Stidda.

Ai hynte dhe dilte nga burgu që nga viti 1984 dhe është dënuar ndër të tjera për vrasje, përfshirje në një organizatë kriminale dhe trafik droge.

Në vitin 2002 u arratis nga burgu Rebibbia në Romë teksa po vuante dënimin e përjetshëm, duke përfituar nga fakti që ndodhën të shtëna në zonën e burgut. Që atëherë, asnjë nuk pati asgjë gjurmë prej tij, deri pak ditë më parë.

Prej vitesh ai ishte i vendosur dhe jetonte në periferi të Madridit. Gammino ishte martuar me një grua dhe jetonte me një identitet të ri. Natyrisht ka mbetur i befasuar nga policia spanjolle kur e kanë arrestuar duke e thirrur me emrin e vërtetë.

VIDEO KËTU

Kur i pyeti se si dreqin e zbuluan pasi askush nuk e dinte, policia i tregoi të vërtetën, duke i thënë se e njohën aksidentalisht nga Google Street View jashtë dyqanit ushqimor që kishte me gruan e tij të re.

Autoritetet italiane kanë dyshuar gjithmonë se Gammino jetonte në qytetin spanjoll Galapagar dhe krehte pamjen e rrugëve të Google Maps në rast se e godiste aksidentalisht. Ata e panë atë përpara dyqanit ushqimor që ishte hapur me emrin e tij të ri, El Huerto de Manu, dhe më pas zbuluan identitetin e tij të rremë.

Pavarësisht se fotot nuk janë me definicion të lartë, plus që kanë kaluar rreth 20 vjet që nga fotografia e fundit që ai kishte në dispozicion, identifikimi u bë i mundur falë një plage që Gammino ka në mjekër të tij, një kujtim i një sherri të vjetër, me thikë.

Gioacchino Gammino është aktualisht në paraburgim në Spanjë në pritje të ekstradimit në Itali për të vuajtur pjesën e mbetur të dënimit. /Ballkanweb/

Fjalë Kryesore:

Të ngjashme