Thirrjet janë në rritje për lirimin e Aung San Suu Kyi të Birmanisë një ditë pasi ushtria mori pushtetin në vendin e Azisë Jug-Lindore.

Suu Kyi, e cila udhëhoqi qeverinë e zgjedhur të vendit, nuk është parë që kur u arrestua nga ushtria.

Deputetët të cilët ishin bllokuar për të lëvizur nga parlamenti në kryeqytet, tani janë liruar.

Ndërsa nuk është raportuar asnjë protestë, ka pasur akte mospërfilljeje, duke përfshirë një grevë nga personeli mjekësor.

Ushtria mori pushtetin në orët e para të së hënës dhe shpalli një gjendje të jashtëzakonshme njëvjeçare pasi akuzoi partinë e Suu Kyi për mashtrim rreth fitores së saj të fundit në zgjedhje.

Partia Lidhja Kombëtare për Demokraci (NLD) kërkoi lirimin e menjëhershëm të saj të martën. Ata gjithashtu i kanë bërë thirrje ushtrisë të pranojë rezultatet e zgjedhjeve të nëntorit, të cilat panë NLD të fitojë më shumë se 80% të votave.

Birmania, e njohur gjithashtu si Mianmari, u drejtua nga forcat e armatosura deri në vitin 2011, kur u betua një qeveri nominale civile.