Skuadra e Manchester City ka bërë historinë mbrëmë, me triumfin në finalen e Kupës FA, ku me rezultatin 6:0 arritën të mposhtin skuadrën e Watford.

Me këtë fitore, ‘Citizens’ kanë arritur që të kompletojnë tripletën angleze, duke u bërë skuadra e parë (meshkuj) në histori që arrinë këtë gjë.

Kjo gjë ishte shumë e vështirë për trajnerin Guardiola, i cili ka thënë se as triumfi në Ligën e Kampionëve nuk është kaq i vështirë.

Por, trajneri spanjoll ka thënë se fitimi i tripletës do të përsëritet, duke shtuar se ndihet krenar që është i pari që fitoi këtë.

“Është një nga sezonet më të mirë që kam përjetuar si trajner. Nuk do të thosha më i miri, por një nga ta sigurisht” ka thënë Guardiola, transmeton lajmi.net.

“Të luash në të gjitha kompeticionet, dhe pas shumë skuadrave të jashtëzakonshme në këtë vend të jesh skuadra e parë është mrekulli” ka thënë spanjolli.

“Unë e dua Ligën e Kampionëve, por kjo është më e vështirë sesa Liga e Kampionëve” ka shtuar ndër të tjerash Pep.

Guardiola tutje gjatë konferencës për shtyp ka insistuar se skuadra e tij do të përmirësohet edhe më shumë. Ai po planifikon një merkato aktive, ku do të shtohet edhe më shumë kualiteti në skuadër.