Deputeti i Kuvendit të Kosovës nga radhët e Aleancës për Ardhmërinë e Kosovës, Daut Haradinaj, i ka bërë thirrje kolegëve të tij deputetë që të votojnë kundër marrëveshjes së demarkacionit të kufirit me Malin e Zi.

“Veprimet e fundit po deshmojnë se dielli nuk mbulohet me shoshë! Debati publik i 3 gushtit e deshmoi të vërtetën se demarkacioni është i i pasaktë dhe i dëmshëm për territorin e Kosoves!”, ka thënë Haradinaj

“Kolegët deputetë e kanë shansin historik, që me votën e tyra t’ia bëjnë një shërbim atdheut dhe ta pengojnë këtë të keqe për Kosovën. Kjo pavarësisht veprimeve që po ndodhin e që janë tepër të çuditshme!”, ka theksuar ai.

“Çdo veprim që po ndodhë nuk e zbehë të vërtetën per kufirin. Unë besoj në votën e kolegëve të mi deputetë, dhe e di që heret a vonë, forca e ligjit do të bjerë mbi ata që me veprimin ose mosveprimin e tyre,po e tjetersojnë këtë kauzë të shenjtë për Kosovën!”, thuhet në komunikatën e Haradinajt.