Kryeministri në detyrë, Ramush Haradinaj në Ditën Nacionale të Zvicrës ka uruar këtë shtet, sic e ka quajtur mik.

Sipas tij, shteti zviceran ka qenë strehë e qindra shqiptarëve në kohë të vështira historike.

“Zvicra e ka përkrahur fuqishëm Kosovën në të gjitha proceset shtetndërtuese, dhe ne jemi me fat që kemi aleatë të tillë”, ka shkruar Haradinaj në Facebook.

Postimi i plotë i Haradinajt:

Në Ditën Nacionale të Zvicrës, shpreh urimet më të përzemërta për këtë vend mik.

Shteti zviceran ka qenë strehë e qindra shqiptarëve në kohë të vështira historike dhe sot me të drejtë vazhdon të jetë shtëpia e dytë e shumë bashkatdhetarëve tanë.

Në rrugëtimin tonë si shtet, Zvicra e ka përkrahur fuqishëm Kosovën në të gjitha proceset shtetndërtuese, dhe ne jemi me fat që kemi aleatë të tillë.