Kryeministri në detyrë i Kosovës, Ramush Haradinaj e ka nderuar me Don Viktor Sopin me medaljen “’Gjergj Kastrioti – Skënderbeu’.

Haradinaj ka thënë se, Don Viktor Sopit i ka ndarë medaljen për të shprehur mirënjohjen për veprën e tij dhe organizatën CARITAS Kosova.

“Sot, pata nderin të pres në takim dhe t’i ndajë Medaljen “Gjergj Kastrioti – Skënderbeu”, Don Viktor Sopit, për të shprehur mirënjohjen time dhe të Qeverisë së vendit për veprën fisnike të tij dhe organizatës CARITAS Kosova, që ai e drejton. CARITAS Kosova, si organizatë plotësuese e sistemit tonë të mbrojtjes sociale, përpos që ndër vite ka dhënë kontribut të jashtëzakonshëm humanitar në ndihmë dhe përkrahje qytetarëve në nevojë, duke fuqizuar lidhjet tona me Perëndimin, ka ndikuar në ruajtjen dhe kultivimin e vlerave të gjenezës sonë kombëtare”, ka shkruar Haradinaj në Facebook.