Anëtari i Kryesisë së AAK-së, Daut Haradinaj, ka thënë se retorika luftënxitëse e Serbisë ndaj Kosovës veç se e rrit vullnetin për mbrojtjen e territorit, ndërsa këto përpjekje i cilësoi si “një nevojë për mbijetesë politike” në Serbi, raporton Ekonomia Online.

Haradinaj tha se Kosova dhe aleatët e saj janë qindra herë më të fortë sesa që ishin në vitin 1998-99.

“Qëndrimet për një luftënxitje në Serbi nga mbetjet e Millosheviqit, nuk janë as më shumë e as më pak se nevojë mbijetese politike në Serbi. Kosova dhe aleatët e saj të sigurisë sot janë qindra herë më të fortë e më të përgatitur se në 98-99. Këto retorika të humbësit ballkanik veç sa e rrisin vullnetin tonë për të qenë të gatshëm ta mbrojmë çdo pëllëmbë të territorit tonë, ashtu siç vepruam kundër kasapit të Ballkanit”, ka shkruar ai

Ai ka theksuar se aleatët janë të fokusuar që Kosova të bëhet anëtare e NATO-s për t’i mbyllë këto debate të sigurisë.