Deputeti i Listës Guxo, Haxhi Avdyli, e ka përshkruar kryeministrin Kurti si një enciklopedi që ec.

Ai ka thënë se kryeministri është njeriu më inteligjent që e ka takuar.

“Z.Kurti është njeri më inteligjent që e kam takuar ndonjëherë, është enciklopedi që ec”, ka thënë Avdyli për Insajderin.

Avdyli më tutje ia ka bërë një analizë mjekësore kryeministrit Kurti, duke treguar pse ai nuk bie pre e presioneve.

“Ai nuk bie pre e presioneve, si mjek i trurit e kam analizuar pse? Pse ai presionit i bën ballë, sepse ai ka kaluar sfida shumë të mëdhaja, sipas bashkëkohanikëve të tij, Albini ka qenë i rrahur për vdekje. Ai e mendon unë e kam kaluar këtë presion të vdekjes në burgjet serbe, dhe nuk kam lëshuar pe me thanë Kosova të heq dorë nga pavarësia, pse tash duhet me hek”, ka thënë Avdyli.