Deputetja e AAK-së, Teuta Haxhiu, ka thënë se kryeministri në detyrë, Albin Kurti, e ka pranuar se e ka rrëzuar qëllimisht Qeverinë e tij, për shkak të paranojave për marrëveshje sekrete Kosovës-Serbi.

Ajo ka thënë se sjelljet dhe deklaratat e tij janë të pakoordinuara dhe të paskrupullta.

“Albin Kurti sapo e konfirmoi në RTV Dukagjini; se vet ishte protagonisti kryesor i cili e prishi koalicionin me LDK, me të vetmin qëllim rrëzimin e Qeverisë(vetërrëzimin). Dhe arsyeja kryesore: paranoja e tij për “marrëveshjen sekrete” në mes Kosovës dhe Serbisë, mosgatitshmëria dhe mungesa e guximit për t’u përballur si lider i vërtetë në Shtëpinë e Bardhë. Dhe që i bie, se krejt sjelljet dhe deklaratat tjera të tij, të ç’koordinuara në vazhdimësi s’jan gjë tjetër përveçse lojëra të paskrupullta të stilit “kurtian””, ka thënë ai.

Ajo po ashtu ka kritikuar edhe panelistët e sotshëm para tij në një emision televiziv, duke thënë se Kurti u tall me ta dhe ata e lejuan sepse u vetëdorëzuan.

“Dhe krejt kjo ndodhi gjatë një seance ligjëruese, tipike e shkollës së VV – së, përballë panelistëve të vetdorëzuar paraprakisht, madje madje, duke e tallur me ta përgjatë gjithë kësaj ligjërate”, ka shkruar ajo në fund.