Deputeti i PDK-së, Bekim Haxhiu, ka reaguar pas varrimit të Haxhi Thaçit, babait të ish-presidentit Hashim Thaçi. Haxhiu tha se, megjithëse i ndjeri nuk kishte pranë djalin e tij, populli e mbështeti masivisht në këtë moment të vështirë.

“I mungoi i biri, por nuk mungoi populli me mbështetje masive nga të gjitha viset shqiptare”, u shpreh Haxhiu, shkruan Ekonomia Online.

Ai vlerësoi veprat e Haxhi Thaçit, duke thënë se ai ka lënë një trashëgimi të madhe, duke mbjellë “faren e atdhetarizmit”. Haxhiu gjithashtu i dha ngushëllime familjes Thaçi dhe të gjithë shqiptarëve, duke përfunduar me një homazh për të ndjerin: “Të qoftë i lehtë dheu i Kosovës!”