Deputeti i Partisë Demokratike të Kosovës Bekim Haxhiu, ka thënë se deputetët e Lëvizjes Vetëvendosjes kanë votuar kundër në këtë komision dhe nuk u kanë mundësuar qasjen në verifikimin e kontratës për vaksina me Pfizer.

Haxhiu tha se jotransparenca e qeverisë dhe vota kundër e tyre shton dyshimet për keqpërdorime dhe për vërtetësinë e deklaratave të Qeverisë dhe Ministrisë së Shëndetësisë.

“Sot në mbledhjen e Komisionit Parlamentar për Shëndetësi dhe Mirëqenie Sociale, propozova që të kemi qasje në kontratën e Qeverisë të lidhur me Pfizer.Kërkesa ime u hodh në votim, mirëpo deputetët e LVV votuan kundër dhe nuk e mundësuan qasjen e anëtarëve të Komsionit Parlamentar për Shëndetësi në verifikimin e kontratës me Pfizer”.

“Kosova është vendi i fundit në Evropë në procesin e vaksinimit dhe deri me sot ka pranuar vetëm vaksina të dhuruara donacion nga COVAX, BE dhe vendet mike.Jo transparenca e Qeverisë së Kosovës dhe vota kundër e deputetve të LVV-së, në Komision, shton dyshimet për keqpërdorime dhe për vërtetësinë e deklaratave të Qeverisë dhe MSH”.

“Përse nuk u lejohet anëtarëve të Komisionit Parlamentar për Shëndetësi qasja në kontratën e lidhur me Pfizer?Çfarë po fshihet pas kësaj kontrate? A është ky edhe një mashtrim i radhës?”.