Deputeti i PDK-së, Bekim Haxhiu, ka kërkua disa sqarime nga ministri i Shëndetësisë, Arben Vitia.

Në seancën e sotme, ai ka thënë se Vitia duhet të përgjigjet për 12 milionë eurot nga Bordi i SHSKUK-së, që dyshohet se janë keqpërdorur.

“Ky është i gatshëm për tu përgjigjur për gjithçka, por jo vetëm për periudhën që udhëheq ministrinë e Shëndetësisë. Ky është i gatshëm me u përgjigj për një organogram të Bordit të PAN-it, por nuk është i gatshëm me u përgjigj për 12 milionë euro keqpërdorimi nga Bordi i SHSKUK-së 2021, që e ka evidentuar Zyra e Auditimit Kombëtar”, ka thënë Haxhiu.