Sundimi i ligjit i Hong Kongut është shtyrë në “prag të kolapsit total” pas më shumë se pesë muaj protestash, paralajmëroi policia.
Ky paralajmërim vjen pasi territori pa një përshkallëzim të theksuar të dhunës, ku policia qëlloi një aktivist.
Një përkrahës pro-Pekinit u dogj më vonë nga protestuesit antiqeveritar.
Protestuesit vazhduan të përlesheshin me policinë të martën në zonën qendrore të bizneseve dhe në universitete.
Sipas agjencisë së lajmeve AFP, qindra protestues të maskuar u panë duke hedhur tulla dhe objekte të tjera, ndërsa policia përdori gaz lotsjellës për t’i detyruar ata të shpërndaheshin.
Gjithashtu pati edhe mijëra punëtorë të zyrave që dilnin nëpër rrugë, duke brohoritur paqësisht “Luftoni për liri, qëndroni me Hong Kongun!”
Protestat filluan në qershor kundër një plani të tërhequr tani për të lejuar ekstradimin në territorin e Kinës, por që nga atëherë janë shndërruar në protesta masive me aktivistë që kërkojnë demokraci më të madhe dhe përgjegjësi të policisë në Hong Kong.Klan.Kosova.