Ish-ministri i Jashtëm, Enver Hoxhaj ka uruar Ditën e Pavarësisë së Shteteve të Bashkuara të Amerikës, duke thënë se kosovarët e patën shpresë e simbol të lirisë flamurin amerikan gjatë okupimit serb.

Hoxhaj ka thënë se Kosova kurrë nuk do të harrojë ndihmën e madhe të këtij vendi e kombi

Deputeti i PDK-së Enver Hoxhaj, përmes një shkrimi në Facebook, ka uruar Ditën e Pavarësisë së SHBA-së, duke shpërndarë një fotografi të vitit 1996 kur është hapur zyra e parë e SHBA-së në Kosovë. 

Hoxhaj, ka thënë se flamuri amerikan ishte flamur i shpresës për të gjithë kosovarët që përjetuan okupimin serb, ishtë simbol i lirisë, demokracisë dhe paqes që e priste të ndërtonte Kosova pas një lufte që shkaktoi shumë humbje e dhimbje.

Enver Hoxhaj, ka shkruar se Kosova nuk harron dhe kujton miqtë e saj të mëdhenj edhe në kohë paqe, duke shtuar se kombi amerikan ka dhënë dhe vazhdon të japë shumë për paqen globale.

Ky është statusi i plotë i Enver Hoxhajt në Facebook:

Është ky flamuri i shpresës për të gjithë kosovarët që përjetuan okupimin serb! Ishte ky flamur, simbol i lirisë, demokracisë dhe paqes që priste të ndërtonte Kosova pas një lufte që shkaktoi shumë humbje e dhimbje.

Prandaj Kosova nuk harron dhe kujton miqtë e mëdhenj edhe në kohë paqe. 

Është ky viti i 244-të i Pavarësisë së Shteteve të Bashkuara të Amerikës, këtij djepi të demokracisë dhe garantuesit të vlerave demokratike edhe sot në botë! Ky komb i madh ka dhënë dhe po vazhdon të japë shumë, për paqen globale. 

Kjo ditë e madhe për kombin amerikan është edhe sot datë e shënuar për kosovarët. Kosova nuk do të harrojë dorën e madhe të ndihmës të këtij vendi e kombi, që beson dhe angazhohet për të drejtat e njeriut dhe liritë njerëzore! 

Falenderues përgjithmonë! 

Urime 4 Korriku!