Ish-ministri i arsimit, Enver Hoxhaj, u ka uruar fillimin e vitit shkollor nxënësve, mësimdhënësve dhe prindërve.

Tani deputet dhe anëtar i kryesisë së PDK-së, Hoxhaj, përmes një statusi në Facebook, ka thënë se edhe pse viti shkollor filloi me vonesë e me shumë sfida, shkaku i pandemisë globale, “uroj që ky vit shkollor të kalojë me sa më shumë suksese dhe përfitime mësimore e edukative për të gjithë̈ nxënësit!”

Ai gjithashtu uroi edhe mësimdhënësit dhe prindërit për të cilët tha se atyre sivjet u bie edhe barra e kujdesit më të shtuar për fëmijët!

Shkrimi i plotë i Enver Hoxhajt në Facebook:

Çdo fillim shtator është drithërues për të gjithë, por sidomos për fëmijët që për herë të parë ulen në bankat shkollore.

Edhe pse filloi me vonesë e me shumë sfida, shkaku i pandemisë globale, uroj që ky vit shkollor të kalojë me sa më shumë suksese dhe përfitime mësimore e edukative për të gjithë nxënësit!

Urime edhe të gjithë̈ mësimdhënësve e prindërve! Atyre sivjet u bie edhe barra e kujdesit më të shtuar për fëmijët!

Maskat e distanca. Shëndeti mbi të gjitha!