Sulmuesi Zlatan Ibrahimoviq pritet të largohet nga Manchester Unitedit me efekt të menjëhershëm.

Edhe pse nuk ka konfirmim nga klubi, BBC raporton se, menaxheri Jose Mourinho është pajtuar për shkëputjen e kontratës së Ibrahimoviqit, e cila skadonte më 30 qershor.

Suedezi 36-vjeçar pritet të bashkohet me LA Galaxy në ligën e futbollit amerikan.

Ibra u transferua te Unitedi nga Paris Saint-Germaini në vitin 2016. Për 53 paraqitje ai realizoi 29 gola mirëpo nuk ka luajtur që kur u rikuperua nga lëndimi që e pësoi në muajin mars.