Mauro Icardi rikthehet në skuadrën e PSG-së, teksa ai e hoqi Wanda Nara në Instagram, duke theksuar se “nuk është aq keq të shkosh vetëm”.

Saga e ish-sulmuesit të Interit vazhdon, me statusin e marrëdhënies së tij që mund të ndikojë në një transferim të ardhshëm në Serie A, pasi Juventusi dihet se është i interesuar për argjentinasin.

Gjatë ditëve të fundit, dyshja e kanë përjetuar krizën e tyre ashtu siç kanë përjetuar pjesën më të madhe të martesës së tyre – përmes mediave sociale dhe gazetave.

Icardi me sa duket ishte marrë me Wandën, e cila është edhe gruaja e tij edhe agjentja e tij, pra përgjegjëse për negocimin e së ardhmes së tij në fushën e futbollit.

Ai kishte bërë unfollow të gjithë në Instagram, përveç gruas së tij, por mbrëme e hoqi edhe atë nga lista.

Më pas Icardi postoi një imazh të tij me fanellën e Paris Saint-Germain, me krahët e ngritur triumfues, askush tjetër në kornizë.

Mesazhi ishte: ‘Nuk është aq keq të shkosh vetëm’.