Infektologu Ramadani: S’duhet shikuar dëmi i gastronomisë për disa ditë, por të shtypet pandemia

Prishtinë | 20 Jan 2022 | 18:39 | Nga Ekonomia Online

Infektologu Hamdi Ramadani po ia lë fajin mosrespektimit të masave për rritjen e madhe të rasteve me COVID-19 në Kosovë.

Ai tha se nga viti i ri vendi ynë ka hyrë në një situatë të rëndë dhe se varianti Omicron veçse e shtoi përkeqësimin.

Ramadani u ankua se sugjerimet dhe opinionet e tyre s’janë marrë me seriozitet.

“Masat që quhen anti-COVID nuk u zbatuan nga qytetarët dhe as institucionet kompetente s’ishin në nivelin e duhur për t’i shikuar rishqyrtuar ato. Maska që duhej të mbahej brenda dhe jashtë nuk u respektua, distanca s’u zbatua fare, e gjithashtu edhe higjiena”.

Ardhja e Omicron ishte shqetësuese”.

Ndërkaq, Ramadani propozoi që të shtrëngohen masat për të përmirësuar situatën epidemiologjike, njofton Klan Kosova.

“Në këtë situatë të rëndë me pandeminë nuk duhet të shihet gastronomia nëse dëmtohet për një javë ose dy, por duhet shikuar se si të kufizohet dhe lokalizohet dhe si të shtypet pandemia sikur që kanë bërë vendet e tjera”.

Fjalë Kryesore:

Të ngjashme