Interi po përgatitë ofertë për Luis Muriel

Prishtinë | 17 Pri 2021 | 11:30 | Nga Ekonomia Online

Luis Muriel mund të jetë dhurata që drejtuesit e klubit të Interit do t’ia bëjnë Antonio Contes në rast se fitohet titulli i kampionit.

Trajneri italian e pëlqen jashtëzakonisht shumë sulmuesin e Atalantës i cili ka shkëlqyer këtë edicion.

Mediat italiane kanë raportuar se Conte ka kërkuar nga drejtuesit e klubit afrimin e kolumbianit për sezonin e ri.

Kësisoj Interi po mendon që të bëjë një ofertë zyrtare sapo të hapet afati kalimtar për transferimin e futbollistëve.

Neroazzurët janë duke përgatitur 23 milionë euro për afrimin e sulmuesit 30-vjeçar.

Muriel ka shfaqur formë të jashtëzakonshme, ku në 39 ndeshje zyrtare këtë edicion ka shënuar 22 gola dhe ka bërë nëntë asistime.

Gjithsesi për të arritur deri te kolumbiani, Interi duhet ta mposhtë konkurrencën e Romës që gjithashtu e duan sulmuesin.

Fjalë Kryesore:

Të ngjashme