Charles McGonigal, ish-zyrtar i FBI-së, ka pranuar fajësinë në gjykatën federal të Uashingtonit në lidhje me akuzën për pagesa sekrete nga një ish-zyrtar i inteligjencës shqiptare.

Siç raportohet në medie, McGonigal ka pranuar se i ka pranuar 225 mijë dollarët dhe se ka falsifikuar të dhënat në lidhje me këtë pagesë nga ish-agjenti i inteligjencës shqiptare. E gjithë kjo ka ngjarë gjatë kohës sa McGonigal punonte në FBI.

“Sipas dokumenteve të depozituara në Gjykatë, nga gushti 2017 dhe duke vazhduar deri në pensionimin e tij nga FBI në shtator 2018, McGonigal fshehu nga FBI natyrën e marrëdhënies së tij me një ish-oficer të huaj sigurie dhe një biznesmen i cili kishte interesa të vazhdueshme biznesi në vendet e huaja dhe me qeveritë e huaja. Në mënyrë të veçantë, McGonigal mori të paktën 225,000 dollarë para në dorë nga individi dhe udhëtoi jashtë vendit me individin, ku u takua me shtetas të huaj. Individi më vonë shërbeu si një burim i FBI-së në një hetim penal që përfshinte lobim politik të huaj mbi të cilin McGonigal kishte përgjegjësi zyrtare mbikëqyrëse.” – thuhet në deklaratën e Departamentit të Drejtësisë së SHBA-së.