Presidenti i Komisionit Europian, Jean Claude Juncker, deklaroi në Bruksel se vendet e Ballkanit Perëndimor duhet të kenë perspektivë reale për anëtarësim në Bashkimin Europian, në të kundërtën ka rrezik nga kthimi në vitet e nëntëdhjeta të shekullit të kaluar.

Këto komente ai i bëri gjatë bisedës me presidentin slloven, Borut Pahor, në lidhje me perspektivën e anëtarësimit në BE të vendeve të Ballkanit.

“Nëse këto vende nuk bëhen anëtare të BE-së, do të ballafaqohemi me rrezikun që të kthehemi në vitet e nëntëdhjeta. Mendoj se është çështje lufte ose paqeje”, është shprehur Juncker.