Kalifornia po kërkon për më shumë vaksina kundër Covid-19, ndërsa vendi shtoi rreth 4 milionë njerëz në ata që duhet të marrin dozat fillimisht.

Zyrtarët e shëndetit publik thanë se 65-vjeçarët dhe më të vjetër mund ta marrin vaksinën. Por, Los Angelesi ka thënë se nuk mund ta bëjë këtë pa vaksinuar së pari rreth 800,000 punonjës shëndetësorë.

Kalifornia ka pranuar më shumë se 2.4 milionë vaksina, por vetëm një e treta e tyre është përdorur. Ajo pret që të ketë edhe 1.5 milionë deri të premten.

Prioriteti i vendit është që të shpërndajë vaksina sa më shpejt që është e mundur tek ata që përballen me rreziqet më të rënda.