Policia ka ndaluar tre persona të moshës së mitur në fshatin Qirez të Skenderajt.

Rasti ka ndodhur dje rreth mesditës.

Pas një informate të pranuar, njësitë policore në fshatin e lartcekur kanë ndaluar tre persona të dyshuar të mitur dhe i kanë sjellë në stacion të Policisë, pasi që tek të dyshuarit janë gjetur dhe konfiskuar: një pushkë gjysmë-automatike e kal.7.62 mm pa fishek, dy pistoleta plastike, një gaz maskë, dy palë dylbi, një thikë dhe një brisk, një qese me fasha, një uniformë e kamufluar ushtarake si dhe 13 (trembëdhjetë) gëzhoja të kal. 7.62 mm.

Dyshohet se të dyshuarit kishin shkuar afër një pylli dhe kanë gjuajtur shenjë në një lis.

Policia po e trajton rastin si armëmbajtje pa leje dhe përdorim i armës.