Ka ende pak turistë që e njohin dhe shkojnë në Kepin e Rodonit, një vend që ndodhet përgjatë bregdetit shqiptar të Adriatikut, vetëm një orë larg kryeqytetit, Tiranës.

Ky xhevahir i natyrës është një vend jashtëzakonisht interesant (edhe pse plazhet e Shqipërisë së jugut janë të pamposhtur), mbi të gjitha për vendndodhjen e tij piktoreske: një kep shkëmbor që shtrihet drejt detit, formuar nga shkëmbinjtë e rrethuar me bimësi mesdhetare dhe lule aromatike.

Kështu e nis shkrimin e saj gazetarja dhe udhëtarja e njohur italiane, Francesca Masotti, të publikuar në blogun e saj “Francesca on the top World”.

Peizazhi është i pabesueshëm dhe është e pamundur që të mos zhytesh në bukurinë e vendit që duket se del nga një kartolinë.

Kepi i Rodonit arrihet pasi përshkuan një rrugë që fillon në fund të plazhit të Gjirit të Lalzit (një nga më të famshmit në Shqipëri, ku normalisht ndalon shumica e njerëzve). Mënyra e vetme për të arritur këtu është të marrësh me qira një makinë sepse, për aq sa di unë, nuk ka transport publik që i merr vizitorët deri në vend. Rruga është plot kthesa, ku çdo kthesë ofron një pamje që të lë pa frymë, transmeton Atsh.

Bukurinë ia shton edhe prania e mbetjeve të një kështjelle të vjetër të ndërtuar në ‘400 me urdhër të Skënderbeut (shumë pak restorante në vend organizojnë ture me varkë me një kosto prej 1500/2000 lekë, rreth 12/15 euro vajtje-ardhje, deri në kështjellë për fat të keq kur e pyeta nëse ishte e mundur për të shkuar atje ishte tepër vonë, por unë kam planifikuar tashmë për të ardhur përsëri për të vizituar atë) dhe një kishë e bukur katolike dedikuar për Shën Antonin me pamje nga plazhi.