Këshilli Drejtues i universitetit “Ukshin Hoti” në Prizren, në mbledhjen e fundit, ka zgjedhur tre ushtruesit e detyrës së prorektorëve.

Sipas njoftimit të publikuar në ueb faqen e UPZ-së, një vendim i tillë është marrë pas propozimit që ka ardhur nga u.d. rektori, Ismet Temaj, i cili për këtë çështje është konsultuar edhe me Senatin e UPZ-së.

“Prof. ass. dr. Shemsi Morina u zgjodh u.d. Prorektor për Mësimdhënie, Çështje të Studentëve dhe Kërkime Shkencore; prof. asoc. dr. Kadri Kryeziu, u zgjodh u.d. prorektor për Bashkëpunim Ndërkombëtar dhe Ngritje të Cilësisë, dhe prof. ass. dr. Arif Riza u zgjodh u.d. prorektor për Buxhet, Financa dhe Infrastrukturë”, shkruan në njoftimin e UPZ-së.