Trajneri i Liverpoolit, Jurgen Klopp ka ulur mundësinë për të blerë një zëvendësim për yllin e larguar para disa ditësh, Philippe Coutinhon, të cilin mendon se do ta zëvendësoj anglezi Adam Lallana.

Klopp ka folur rreth mundësisë së transferimeve të reja në klub gjatë afati kalimtar të janarit.

Trajneri gjerman këmbëngul se Lallana mund ta mbushë boshllëkun e lënë nga braziliani dhe klubit duhet të mendojë drejt dhe të marr vendime të duhura me paratë e shitjes së Coutinhos.

“Nuk mendoj për paratë. Askush nuk më tha se duhet të mendoj për paratë, sepse jemi gjithnjë të arsyeshëm, gjithmonë përpiqemi të bëjmë gjënë e duhur”, ka thënë fillimisht Klopp.

“Natyrisht ne nuk hezitojmë të shpenzojmë paratë, kemi bërë disa herë, por nuk ka të bëjë me momentin, është marrja e vendimit të duhur”.

“Unë me të vërtetë mendoj, nuk është se Adam Lallana është një zëvendësim për Philippe Coutinhon, por ai është kthyer, është një tjetër lojtar i mrekullueshëm, krijues dhe mesfushor sulmues”.

“A ka ai të njëjtën goditje dënimi i Philippe Coutinho? Jo, por ka shumë gjëra që mund të bëjë”.

“Ai mund të na bëjë më të fortë në këto situata”, përfundoi trajneri gjerman.