Liga Premier ka zgjedhur trajnerin e Liverpoolit, Jurgen Klopp, si më të mirin e muajit shtator.
Muaji shtator ka dhuruar shumë emocione, aksion, ndeshje të bukura dhe shumëçka tjetër.
Megjithatë, disa klube kanë vazhduar dominimin e tyre dhe rezultatet pozitive në këtë fillim sezoni.
Klubi i tillë është edhe Liverpooli, i cili vazhdoi serinë pozitive duke arritur tetë fitore në tetë ndeshjet e para.
Gjatë muajit shtator, Reds fituan të tri ndeshjet e zhvilluara: ndaj Newcastle United, Chelsea dhe Sheffield United.
Trajneri gjerman në këtë garë mposhti Eddie Howe (Bournemouth), Frank Lampard (Chelsea) dhe Brendan Rodgers (Leicester City).