Komuna e Fushë-Kosovës, përkatësisht Drejtoria e Kulturës Rinisë dhe Sportit, në atmosferë festive organizoi mbrëmjen përmbyllëse ku u bë edhe zgjedhja e krijuesit të vitit, dhjetë më të dalluarit në sport, klubi më i mirë, trajneri më i mirë, si dhe sportisti i vitit 2019 për komunën e Fushë-Kosovës.

Në këtë manifestim madhështor kryetari i Komunës z.Burim Berisha në fjalën përmbyllëse tha se Komuna e Fushë-Kosovës edhe këtë vit shquhet për realizimin dhe përmbushjen e detyrave dhe obligimeve ndaj qytetarëve, në veçanti në fushën e kulturës dhe sportit. Projekte të shumta janë realizuar këtë vit dukë përfshirë sportin si një nga prioritetet tona.

Titullin “Krijues i vitit 2019” këtë vit komisioni komunal i ndau, doktor i njohur i letërsisë, në opusin krijues të të cilit në mesin e veprave dhe publikimeve të botuara është edhe botimi i fundit “Koha e Ardhme e foljes në Gjuhën Shqipe” (Lidhjet mes kohës, aspektit e modalitetit) që është sponsorizuar nga komuna jonë.

Titullin “Krijues i vitit 2019” për prof.dr. Sejdi Gashin e ndau kryetari i Komunës Burim Berisha.

Fitues në sport ishin:

• Çmimi “Klubi më i dalluar i vitit 2019” kësaj here me propozimin e komisionit i është ndarë klubit “Martial Arts Fushë-Kosova” me gjithsej 68 medalje të arta, 59 të argjendta dhe 130 të bronzta të fituara në gara të ndryshme brenda dhe jashtë vendit.
• Çmimi “Trajneri më i dalluar i vitit”, i është ndarë të famshmit dhe njërit nga më të dalluarit jo vetëm në Kosovë, por edhe në arenën ndërkombëtare – FIDAIR BERISHËS – Trajner i klubit “Martial Arts Fushë-Kosova”. Një nga rezultatet që duhet veçuar është pjesëmarrja në kampionatin Evropian në garat  “Mesdhetare Mediterane”, po ashtu është i akredituar për trajner me licencë botërore nga Federata Botërore WKF si dhe gradimi e avancimi i katër sportistëve, të cilët kanë arritur të gradohen “Mjeshtër të Karatesë 1 DAN”.

Ndër dhjetë sportistët më të dalluar janë veçuar:

1. Suela Arifi – Shpresa e Sportit 11 vjeçare – Karateiste. Gjithsej 21 medalje, 6 të arta, 10 të argjendta dhe 5 të bronzta. 11 nga to i ka të fituara jashtë Kosovës. Dy herë kampion në Shqipëri, Maqedoni të Veriut, kampione në KUMITË dhe një herë fituese e një medalje të argjendtë. Në Mal të zi nënkampione dhe njëherë fituese e medaljes së bronztë. Në Pogradec tri herë nënkampione.
2. Elton Musliu – Karateist / fitues i 23 medaljeve, 7 të arta, 6 të argjendta dhe 10 të bronzta.

Nënkampion Evropian në Federatën e WSF-së të organizuar në Shkup. Vendi i tretë në garat Mesdhetare të organizuara në WKF – Turqi. Kampion i Kupës Mbarëkombëtare në Vlorë. Kampion i turneut Ndërkombëtar “STRUGA OPEN 2019”. E arritur tjetër e Eltonit gjatë vitit 2019 është gradimi dhe avancimi i tij me thirrjen MJESHTËR 1 DAN.

1. Elena Manxholli është e lindur në vitin 2007.

• VENDI I PARË në Disiplinën KAPËRCIM.
• Vendi i parë në Disiplinën TRA.
• Vendi i Dytë në disiplinën paralele e shkallëzuar.

Elena ka përfaqësuar vendin tonë në garat ndërkombëtare të mbajtura në Maribor të Sllovenisë ku ka marrë Mirënjohje për pjesëmarrje në këto gara.

1. Besfort Merlaku – Boks

• Kampion i Kosovës në kategorinë e tij.
• Fitues i medaljes së artë në Turneun Ndërkombëtar “Adem Jashari”.
• Fitues i medaljes së artë në Turneun Ndërkombëtar në Bosnje.
• Fitues i Turneut “XHAFER THAQI” në Gjakovë.
• Fitues i medaljes së artë në Pejë – “EPOPEJA E DUKAGJINIT”.

1. Redona Gashi – Karateiste fituese e 17 medaljeve. 14 të arta, 2 të argjendta dhe 1 të bronztë.

• Kampione e Kosovës për Kadet.
• Përfaqësuese e Kosovës në Kampionatin Evropian të mbajtur në Danimarkë.
• Në GRAND PRIX – Hercegnovi – Mali i Zi ka fituar dy herë medaljen e argjendtë dhe një herë të bronztën.
• Në ULQIN si përfaqësuese e Kosovës ka siguruar tri medalje të arta.
• Në Podgoricë në gara ekipore u shpall Kampione.

1. Jakub Xhigoli – Futbollist i FC “KOSOVARI”

• Jakubi shquhet nga futbollistët tjerë si një nga golashënuesit më të mirë të klubit dhe i cili ka një rol të veçantë në klubin ku ai luan.
• Është i përzgjedhur në formacionin e vitit në ligën ku ai garon.

1. Dion Miftari – Atlet / Klubi i Atletikës “Fushë-Kosova”

• 13 medalje të fituara,
• 8 të arta,
• 4 të argjendta,
• 1 të bronztë.

Dioni njihet si një sprinter, i cili premton shumë në të ardhmen.

1. Mihane Gashani – Volejbolliste e klubit të vajzave “Fushë-Kosova”.

• Është lojtarja kryesore e këtij klubi, e cila bartë barrën kryesore në klub dhe ka arritur që bashkë me klubin të ngritet në nivelin e Superligës së Kosovës për femra.
• Mihanja është e ftuar dhe e grumbulluar në kombëtaren e Kosovës për grupmoshat U- 19.

1. Edison Neziri – Futbollist i klubit të futbollit “Fushë-Kosova”.

• Edisoni është lojtar i cili përfaqëson komunën tonë në Reprezentacionin e Kosovës U-17.
• Ishte përfaqësues i Republikës së Shqipërisë për gjeneratat U-15 dhe U-17.
• Edisoni është njëri ndër lojtarët kryesorë i cili është i zgjedhur në formacionin e vitit në ligen ku ai garon.
• Po ashtu Edisoni do të jetë në testime në klubin ”FC BAZEL” të Zvicrës.

1. Doarza Ivanja – Atlete e klubit të Atletikës “KALAJA”.

• Sprintere e pa kontestuar në disiplinën 100 metra.
• 4 herë Kampione e Kosovës – 6 herë nënkampione, 2 herë e bronztë.
• Përfaqësuese e Kosovës në Kampionatin Ballkanik U-18 në Turqi.
• Përfaqësuese në ligën e tretë Evropiane për seniore.
• Kampione në AKUATLLON.
• Kampione në DUATLLON.

Sportisti i vitit 2019 për Komunën e Fushë-Kosovës:

• Fitues i çmimit “Sportisti i vitit 2019’ për komunën e Fushë-Kosovës është LEONIT LATIFI.
• LEONIT LATIFI ka fituar gjithsej 28 medalje, nga ato 12 të arta, 8 të argjendta dhe 8 të bronzta të fituara në gara kombëtare dhe ndërkombëtare.
• Kampion i Kosovës
• Kampion i Kupës Mbarëkombëtare në Vlorë
• Kampion i Turneut Memorial “Curri-Begolli”
• Kampion i Turneut “Xhevat Makolli” – KUMITE
• Kampion i Turneut “Xhevat Makolli” – KATA
• Kampion i Turneut “SHEMSEDIN KELMENDI”
• Kampion i Turneut “KUPA E KASTRIOTIT”
• Kampion i Turneut “SHKËNDIJA OPEN” – Tetovë
• Kampion i Turneut” KATANA OPEN”
• Kampion i Turneut Memoriali “HAKI IBERDEMAJ” – KUMITE
• Kampion i Turneut Memoriali “HAKI IBERDEMAJ” – KATA
• Fitues i medaljes së bronztë në Turneun Ballkanik në Shkup në Maqedoninë Veriore.
• 8 herë nënkampion në garat Kombëtare dhe Ndërkombëtare.
• 7 herë fitues i medaljes së bronztë në gara Kombëtare dhe Ndërkombëtare

Bazuar në kriteret e Rregullores së Federatës së Karatesë së Kosovës sportisti që u nderua sonte nga Komuna e Fushë-Kosovës me titullin “Sportist i vitit 2019”, me gjithsej 28 medalje, grumbullon 710 pikë.

E arritur tjetër e këtij sportisti gjatë vitit 2019 është gradimi dhe avancimi i tij me thirrjen MJESHTËR 1 DAN.

Komuna e Fushë-Kosovës, Drejtoria për Kulturë Rini dhe Sport, iu uron sportistëve suksese edhe më të mëdha duke u zotuar se do t’i përkrahë dhe do t’i mbështes pandalshëm edhe në vitin vijues.