Mesazhi i Berishës për Vitin e Ri: I humbëm 30 qytetarë, por u shpëtuan mijëra jetë

Fushë-Kosovë | 31 Dhj 2020 | 17:30 | Nga Ekonomia Online

Kryetari i Komunës së Fushë-Kosovës, Burim Berisha, me rastin e Vitit të Ri ka uruar të gjithë qytetarët e kësaj komune me dëshirën që 2021-ta të jetë vit i shëndetit, mirëqenies, harmonisë dhe paqes.

“Viti 2020 ka qenë vit i jashtëzakonshëm që pandemia dha efektet e veta të rënda. I kemi humbur 30 qytetarë, por që janë shpëtuar mijëra jetë. Në këtë ditë, dëshiroj t’i falënderoj profesionistët shëndetësorë për guximin profesional dhe përkushtimin në parandalimin e përhapjes së virusit Covid-19”, ka theksuar Berisha.

Mesazhi i plotë i kryetarit Burim Berisha me rastin e Vitit të Ri:

Të nderuar qytetarë të komunës së Fushë Kosovës,

Viti 2020 ka qenë vit i jashtëzakonshëm që pandemia dha efektet e veta të rënda. I kemi humbur 30 qytetarë, por që janë shpëtuar mijëra jetë. Në këtë ditë, dëshiroj t’i falënderoj profesionistët shëndetësorë për guximin profesional dhe përkushtimin në parandalimin e përhapjes së virusit Covid-19.

Këtë vit aq të vështirë po e përmbyllim si një vit të suksesshëm në realizimin e objektivave tona, në të gjitha planet, e që kanë të bëjnë me investime në ngritjen e cilësisë së jetës, standardit dhe mirëqenies së përgjithshme.

Me angazhim dhe përkushtim të vazhdueshëm edhe gjatë vitit 2021 do të vazhdojmë bashkëpunimin e ngushtë me qytetarët në rrugën e realizimit të projekteve për zhvillimin e gjithëmbarshëm, për jetë më të mirë për çdo qytetar të komunës sonë.

Me dëshirën që viti që po vjen t’i përmbushë të gjitha pritjet tuaja, uroj që të jetë vit i shëndetit, mirëqenies, harmonisë dhe paqes mes nesh!

Gëzuar e me fat Viti i Ri 2021!

Fjalë Kryesore:

Të ngjashme