Të enjten në Prishtinë nga njësitet policore të stacionit të Obiliqit rreth orës 01:00 janë arrestuar dy persona të dyshuar, të cilëve u janë konfiskuar një armë zjarri dhe një thikë.

Pas marrjes së informatës për të shtëna me armë nga një veturë e cila ishte në lëvizje, në fshatin Hamidi të Obiliqit,  policia ka ndërmarrë një aksion  dhe në një distancë jo të largët nga vendi i ngjarjes, ka arritur që ta ndalojë automjetin e dyshuar dhe të  arrestojë  dy persona të dyshuar me inicialet E.R. (19-vjeçar, shtetas i Kosovës), dhe B.SH. (18-vjeçar, shtetas i Kosovës), njofton Policia e Kosovës.

Atyre iu është gjetur dhe konfiskuar një armë e tipit Ecol Special 99, një thikë, një karikator si dy gëzhoja në vendngjarje.

Ndaj personave të dyshuar, të cilët me urdhër të prokurorit janë dërguar në qendrën e mbajtjes për 48 orë, janë iniciuar rastet shkaktim i rrezikut të përgjithshëm dhe  mbajtje në pronësi, kontroll ose posedim i paautorizuar i armës.