Kosova s’lëviz vendi, Shqipëria bie në renditjen e FIFA-s

Prishtinë | 04 Pri 2024 | 11:15 | Nga Ekonomia Online

Kosova s’lëviz vendi, Shqipëria bie në renditjen e FIFA-s

FIFA e ka publikuar sot listën e re të Kombëtareve.

Kombëtarja e Kosovës nuk ka lëvizur vendi në renditjen e muajit mars.

“Dardanët” e shohin veten në vendin e 102-të me 1205 pikë, njëjtë si në ranglistën e muajit të kaluar.

Siç dihet, Verdhekaltrit i zhvilluan dy ndeshje miqësore në muajin që shkoi, kur fituan ndaj Armenisë 1:0 dhe u mposhtën nga Hungaria 0:2.

Ndërkaq, Kombëtarja shqiptare pësoi rënie për dy pozita në renditjen e FIFA-s.

Kuqezinjtë i pësuan dy humbje në miqësoret e marsit, 0:3 nga Kili dhe 0:1 nga Suedia.

“Shqiponjat” e shohin veten në vendin e 66-të, në krahasim me atë të 64-t ku ishin në muajin e kaluar, me 1375 pikë.

Të ngjashme